डॉ. बाबासाहेब आंबेडकर महापरिनिर्वाण दिनानिमित्त अब्दुल भैय्या शेख जनसंपर्क कार्यालयात अभिवादन
डॉ. बाबासाहेब आंबेडकर यांच्या महापरिनिर्वाण दिनानिमित्त आज अब्दुल भैय्या शेख जनसंपर्क कार्यालयात महामानवांना भावपूर्ण श्रद्धांजली अर्पण करण्यात आली. भारतीय संविधानाचे शिल्पकार व समता, न्याय आणि बंधुतेचा विचार मांडणारे डॉ. आंबेडकर यांच्या स्मृतिदिनानिमित्त विविध मान्यवरांनी त्यांच्या प्रतिमेस पुष्पांजली वाहिली.
या कार्यक्रमाला माजी पंचायत समिती सदस्य दिनकरराव गर्जे तसेच सामाजिक व राजकीय क्षेत्रातील अनेक मान्यवर, पदाधिकारी आणि कार्यकर्त्यांची मोठ्या संख्येने उपस्थिती होती.
यावेळी डॉ. आंबेडकर यांच्या विचारांना अनुसरून समाजहितासाठी सतत कार्य करण्याचे आवाहनही करण्यात आले.
कार्यक्रमाचे आयोजन स्थानिक पदाधिकारी व कार्यकर्त्यांनी केले. उपस्थितांनी महामानवांच्या कार्याचे स्मरण करत सामाजिक ऐक्य, बंधुता आणि प्रगतिमूल्ये जपण्याचा संकल्प व्यक्त केला.
– अब्दुल भैय्या सामाजिक प्रतिष्ठान
-
