स्थानिक स्वराज्य निवडणुकीसाठी वंचित बहुजन आघाडी आक्रमक मोडमध्ये – नेवासात हॉटेल प्रणाममध्ये आढावा बैठक 🔴

🔴 स्थानिक स्वराज्य निवडणुकीसाठी वंचित बहुजन आघाडी आक्रमक मोडमध्ये – नेवासात हॉटेल प्रणाममध्ये आढावा बैठक 🔴

नेवासा (प्रतिनिधी) – येत्या स्थानिक स्वराज्य संस्थांच्या निवडणुकांच्या पार्श्वभूमीवर वंचित बहुजन आघाडीने आपली रणनिती अधिक भक्कम करण्यासाठी आक्रमक पावले उचलली आहेत. रविवार, दिनांक 27 जुलै 2025 रोजी नेवासा शहरातील हॉटेल प्रणाम हॉलमध्ये तालुका आढावा बैठकीचे आयोजन करण्यात आले आहे.

या बैठकीचे नेतृत्व वंचित बहुजन आघाडीचे सर्वेसर्वा आदरणीय प्रकाश आंबेडकर यांच्या मार्गदर्शनाखाली होणार असून, राज्याचे नेते प्रा. किसन चव्हाण, राज्य प्रवक्त्या व समन्वयक दिशा शेख, जिल्हाध्यक्ष विशाल कोळगे, महासचिव अनिल जाधव, युवक जिल्हाध्यक्ष प्रवीण आल्हाट तसेच जिल्हा उपाध्यक्ष विजय गायकवाड आदी मान्यवरांच्या उपस्थितीत सदर आढावा बैठक पार पडणार आहे.

या बैठकीत जिल्हा परिषद, पंचायत समिती, ग्रामपंचायत व नगरपंचायत निवडणुकांमध्ये वंचित बहुजन आघाडीच्या तयारीचा आढावा घेण्यात येणार आहे. त्याचबरोबर नव्याने नियुक्त झालेल्या जिल्हा कमिटीतील कार्यकर्त्यांचा सत्कारही करण्यात येणार आहे.

वंचित बहुजन आघाडी नेवासा तालुक्याच्या वतीने सर्व कार्यकर्त्यांना या बैठकीस उपस्थित राहण्याचे आवाहन करण्यात आले असून, ही बैठक आगामी निवडणुकांच्या दृष्टीने अत्यंत महत्त्वपूर्ण ठरणार असल्याचे पक्षाकडून सांगण्यात आले आहे.

🗓️ बैठक : रविवार, 27 जुलै 2025

📍 ठिकाण : हॉटेल प्रणाम, नेवासा शहर

🕘 वेळ : सकाळी ठरविण्यात येईल (संपर्कासाठी स्थानिक पदाधिकारी)

वंचित बहुजन आघाडीचा कार्यकर्त्यांनी सज्ज होण्याचा निर्धार – संघर्षातून सत्ता हेच ध्येय!