.........जामखेड तालुक्यातील कला केंद्रावर छापा
जामखेड.
जामखेड येथील बीड रोडवरील मोहा हद्दीत असलेल्या
विनापरवाना चालणाऱ्या कलाकेंद्रावर जामखेड पोलिसांनी कारवाई
केली आहे. कलाकेंद्राचा व्यवस्थापक सुरज बबन मुसळे,
(रा.कान्होपात्रानगर, जामखेड) याच्या विरुध्द गुन्हा दाखल करण्यात आला आहे.याबाबत पोलिस हे.कॉ.
संजय भाऊसाहेब लाटे यांनी दिलेल्या फिर्यादीत म्हटले आहे की, दि. १३ जानेवारी रोजी रात्री पावणेआठ वाजण्याच्या सुमारास मी व सहकारी जामखेड - बीड रोडवरील मोहा गावच्या शिवारात पेट्रोलिंग करीत असताना गुप्त बातमीदाराकडून माहिती मिळाली की, मोहा शिवारात लक्ष्मी नावाच्या कलाकेंद्रात विनापरवाना नृत्याचे कार्यक्रम चालु असल्याची माहिती मिळाली. संबंधित रात्री नऊ वाजण्याच्या आसपास कलाकेंद्रात जावुन पाहिले असता सदर ठिकाणी असलेल्या
वेगवेगळ्या लहान मोठ्या हॉलमध्ये एकुण १२ नृत्यांगणा
व त्यांचे समोर बसलेले ग्राहक इसम यांचे समोर नृत्य करीत असल्याचे दिसुन आले.
कलाकेंद्राच्या व्यवस्थापकास परवान्याबाबत विचारपुस करता त्याने त्याचे नाव सुरज बबन
मसळे (रा. कान्होपात्रा नगर.जामखेड) असे सांगितले. त्याच प्रमाणे सदर कलाकेंदात नृत्याचा कार्यक्रम चालविणेकरीताआवश्यक असलेला परवाना
नसल्याचे देखील सांगितले.त्यामुळे नृत्याचे कार्यक्रम
चालविण्यासाठी कोणत्याही प्रकारचा परवाना नसताना लक्ष्मी नावाचे कलाकेंद्रात विनापरवान नृत्याचे कार्यक्रम चालविल्यामुळे पोलीस हेडकॉन्टेबल संजय
भाऊसाहेब लाटे यांनी दिलेल्या फिर्यादीवरून सुरज बबन मुसळे याच्या विरुध्द गुन्हा दाखल
करण्यात आला आहे. या घटनेचा तपास पोलीस निरीक्षक संभाजी गायकवाड यांच्या मार्गदर्शनाखाली पोलीस नाईक अजय साठे हे करत आहेत.
