🖋 लेखांकन : बादल परदेशी
सोनई (प्रतिनिधी) – सत्तेवर असो वा सत्तेबाहेर, जनतेशी असलेलं नातं जेव्हा निस्सीम असतं, तेव्हा व्यक्तीपेक्षा विचार मोठा होतो. आजही ग्रामीण महाराष्ट्रात ज्या काही मोजक्या नेत्यांविषयी आपुलकीने बोललं जातं, त्यात माजी आमदार आणि माजी मृदा व जलसंधारण मंत्री शंकरराव गडाख पाटील यांचं नाव अग्रक्रमाने घेतलं जातं.
येत्या गुरुवार, दिनांक २९ मे २०२५ रोजी, सकाळी ९.०० ते ११.०० या वेळेत सोनई येथील जनसंपर्क कार्यालयात ते वाढदिवसानिमित्त शुभेच्छा स्वीकारण्यासाठी उपस्थित राहणार आहेत. गेल्या अनेक वर्षांत गडाख पाटील यांनी फक्त राजकारण केलं नाही, तर एक विकासाचं, संवादाचं आणि विश्वासाचं बळकट नातं निर्माण केलं.
त्यांच्या मंत्रीपदाच्या कार्यकाळात जलसंधारण, पाणी व्यवस्थापन आणि मृदासंवर्धन क्षेत्रात राबवलेली धोरणं आजही राज्यभरात आदर्श मानली जातात. पण त्याहून महत्त्वाचं म्हणजे, सत्ता गेल्यावरही त्यांनी कधीही जनतेपासून अंतर ठेवलं नाही.
सामान्य माणसाच्या अडचणी ऐकणं, गावपातळीवरील प्रश्नांना वाचा फोडणं आणि तरुणांसाठी मार्गदर्शन करणं – हे काम ते आजही तितक्याच सातत्याने करत आहेत. म्हणूनच त्यांचा वाढदिवस कार्यकर्त्यांसाठी केवळ एक औपचारिक दिवस नाही, तो आहे आपल्या नेत्यावरील विश्वासाची पुन्हा एकदा प्रचिती देण्याचा दिवस.
कट्टर समर्थक, हितचिंतक, शेतकरी, युवक आणि नागरिक मोठ्या संख्येने उपस्थित राहून शुभेच्छा देणार आहेत. या निमित्ताने सोनईमध्ये एक सकारात्मक ऊर्जा निर्माण होणार, यात शंका नाही.
"राजकारण क्षणभंगुर असलं तरी माणुसकीचा आवाज टिकून राहतो.
शंकरराव गडाख यांचा प्रवास हीच त्या आवाजाची साक्ष आहे."
मा.आ.शंकरराव गडाख साहेबांना वाढदिवसाच्या हार्दिक शुभेच्छा
🖊 – बादल कैलास परदेशी.
