Dhananjay Munde Resignation : बीडचे सरपंच संतोष देशमुख हत्याकांडात (Santosh Deshmukh Murder Case) कॅबिनेट मंत्री धनंजय मुंडे यांचे जवळचे सहकारी वाल्मिक कराड याला आरोपी करण्यात आल्यानंतर राष्ट्रवादी काँग्रेसचे मंत्री धनंजय मुंडे (Dhananjay Munde) यांनी अखेर राजीनामा दिला आहे. राजीनाम्यानंतर धनंजय मुंडे (Dhananjay Munde) यांनी ट्विट करत पहिली प्रतिक्रिया दिली आहे. सदसद् विवेक बुद्धीला स्मरून आणि वैद्यकीय कारणास्त्व सुद्धा धनंजय मुंडे यांनी राजीनामा दिल्याचं म्हटलं आहे.जाहिरातनेमकं काय म्हणाले धनंजय मुंडे?बीड जिल्ह्यातील मस्साजोगचे संतोष देशमुख यांच्या निर्घृण हत्येतील आरोपींना कठोरात कठोर शिक्षा व्हावी, ही माझी पहिल्या दिवसापासूनची ठाम मागणी आहे. काल समोर आलेले फोटो पाहून तर मन अत्यंत व्यथित झालं, असं धनंजय मुंडे म्हणाले आहेत. या प्रकरणाचा तपास पूर्ण झाला असून आरोपपत्र न्यायालयात दाखल झाले आहे. तसेच, न्यायालयीन चौकशीही प्रस्तावित आहे, असंही धनंजय मुंडे म्हणाले.बीड जिल्ह्यातील मस्साजोगचे स्व. संतोष देशमुख यांच्या निर्घृण हत्येतील आरोपींना कठोरात कठोर शिक्षा व्हावी, ही माझी पहिल्या दिवसापासूनची ठाम मागणी आहे. काल समोर आलेले फोटो पाहून तर मन अत्यंत व्यथित झाले.या प्रकरणाचा तपास पूर्ण झाला असून आरोपपत्र न्यायालयात दाखल झाले आहे. तसेच,…— Dhananjay Munde (@dhananjay_munde) March 4, 2025जाहिरातमाझ्या सदसद् विवेक बुद्धीला स्मरून आणि मागील काही दिवसांपासून माझी प्रकृती ठीक नसल्याने पुढील काही दिवस उपचार घेण्याचा सल्ला डॉक्टरांनी दिला आहे. त्यामुळे वैद्यकीय कारणास्तव सुद्धा मी मंत्रिमंडळातून माझ्या मंत्रिपदाचा राजीनामा मुख्यमंत्री महोदयांकडे दिला आहे, असं धनंजय मुंडे यांनी म्हटलं आहे.जाहिरातआणखी वाचा -
Dhananjay Munde Resignation : धनंजय मुंडेंच्या राजीनाम्यानंतर अजित पवारांची पहिली प्रतिक्रिया, एका वाक्यात विषय संपवला!दरम्यान, धनंजय मुंडे यांनी मुख्यमंत्री देवेंद्र फडणवीस यांच्याकडे राजीनामा सोपवला, तसेच देवेंद्र फडणवीस यांनी देखील राजीनामा स्विकारला आहे. पुढील प्रक्रियेसाठी राज्यपालांकडे राजीनामा देण्यात आला आहे, असं मुख्यमंत्र्यांनी सांगितलं. धनंजय मुंडे यांनी मुख्यमंत्र्यांकडे राजीनामा सोपवल्यानंतर अजित पवार अधिवेशनासाठी आले. त्यावेळी अजित पवार यांनी पत्रकारांच्या प्रश्नांवर उत्तर देणं टाळलं.
