नेवासा
नेवासा तालुक्यातील गळनिंब येथे झालेल्या खून प्रकरणातील आरोपींना पोलिसांनी मोठ्या शिताफीने पकडले आहे प्रस्तुत बातमीची हकिगत अशी को फिर्यादी श्री. प्रमोद संभाजी कापसे वय २४, रा. सुरेगांव, ता. नेवासा यांचा मित्र प्रविण सुधाकर डहाळे वय २४, रा. गळनिंब ता. नेवासा याचे शेखर सतरकर व अशोक सतरकर यांच्या सोबत मागिल भांडणाचे कारणावरून फोनवर वाद झाले होते. त्या कारणावरून आरोपींनी तलवार, कोयता, लोखंडी रोड व लाकडी दांडक्याने प्रविण डहाळे यास मारहाण व जबर जखमी करून जिवे ठार केले बाबत फिर्यादी यांनी दिनांक २८/१०/२०२३ रोजी नेवासा पोलीस स्टेशन येथे दिलेल्या फिर्यादी वरुन गु.र.नं. १०२८/२०२३ भादविक ३०२.
३०७, १४३, १४७, १४८, १४९ सह आर्म अॅक्ट ३/२५ प्रमाणे खुनाचा गुन्हा दाखल करण्यात आला होता.
सदर गुन्हा गंभीर स्वरूपाचा असल्याने मा. श्री. राकेश ओला साहेब, पोलीस अधीक्षक, अहमदनगर यांनी
पोनि/श्री. दिनेश आहेर, स्थानिक गुन्हे शाखा, अहमदनगर यांना स्थानिक गुन्हे शाखेचे पथक नेमून गुन्ह्यातील आरोपींना तात्काळ ताब्यात घेणे बाबत आदेशित केले होते.नमुद आदेशान्वये पोनि/श्री. दिनेश आहेर यांनी स्थानिक गुन्हे शाखेतील पोसई/तुषार धाकराव सफो/भाऊसाहेब काळे, राजेंद्र बाघ, दत्तात्रय गव्हाणे, देवेंद्र शेलार, पोना/ रविंद्र कडीले, ज्ञानेश्वर शिंदे, संदीप दरंदले, विशाल दळवी, फुरकान शेख, पोकों/ बाळासाहेब गुंजाळ व चापोको/ अरुण मोरे अशा पोलीस अधिकारी व अंमलदार यांचे पथक नेमून आरोपींची माहिती घेवून ताब्यात घेणेबाबत आवश्यक सुचना देवून पथकास रवाना केले. पथक तांत्रिक विश्लेषणाचे आधारे आरोपींची माहिती घेत असताना पोनि/श्री. दिनेश आहेर यांना गुप्तबातमीदारा मार्फत माहिती मिळाली की, वर नमुद गुन्ह्यातील आरोपी नामे खंडू सतरकर व ईश्वर पठारे हे दोघे वरखेड, ता. नेवासा येथे असले बावत खात्रीशीर माहिती मिळाल्याने प्राप्त माहिती पथकास कळवून नेवासा पोलीस स्टेशनचे पोलीस अधिकारी वअंमलदार यांना मदतीस घेवून खात्री करून कारवाई करणे बाबत कळविल्याने पथकाने नेवासा पोलीस स्टेशन नेमणुकीचे पोसई/ढाकणे, पोना/करंजकर, पोक तांबे यांना मदतीस घेवून वरखेड, ता. नेवासा येथे जावून आरोपींचा शोध घेता ते मिळून आल्याने त्यांना शिताफीने ताब्यात घेवून पोलीस पथकाची ओळख सांगून त्यांचे नाव गांव विचारले असता त्यांनी त्यांची नावे १) अशोक ऊर्फ खंडू किसन सतरकर वय ४२, रा. गेवराई, ता. नेवासा व २) ईश्वर नामदेव पठारे वय ३०, रा. वरखेड, ता. नेवासा असे असल्याचे सांगितले. त्यांना अधिक विश्वासात घेवून त्यांचे इतर साथीदारांबाबत विचारपुस करता त्यांनी आरोपी नाम शेखर सतरकर, अरुण गणगे व बंडू साळवे हे तिसगांव, ता.पाथडी येथे असले बाबत माहिती दिल्याने दोन्ही आरोपींना नेवासा पोलीस स्टेशन येथे हजर केले व पथकाने लागलीच तिसगांव ता. पाथडी येथे जावून आरोपीचे ठावठिकाणाबाबत माहिती घेवून आरोपी नाम ३) शेखर अशोक सतरकर वय २३, रा. गेवराई, ता. नेवासा, ४) अरुण ऊर्फ ज्ञानेश्वर दत्तात्रय गणगे वय २८, रा. सुरेगांव, ता. नेवासा व ५)भिमराव साळवे वय ३२, यांना ताब्यात घेवून पुढील तपास कामी नेवासा पोलीस स्टेशन येथे हजर केले आहे. पुढील तपास नेवासा पोलीस स्टेशन करीत आहे मयत प्रविण डहाळे याचे खून प्रकरणातील ५ सराईत आरोपी २४ तासाचे आत जेरबंद केले आहे.
