🏴रस्ता लूट करणारा नेवासा फाटा येथील युवक नेवासा पोलिसांच्या अटकेत🏴

नेवासा( प्रतिनिधी )शहाबुद्दीन गुलामवारीस मोहम्मद, वय 21

वर्षे, व्यवसाय चालक रा.गौरागंज जि.अमेठी राज्य उत्तरप्रदेश यांनी  नेवासा पोलीस स्टेशन येथे फिर्याद दिली होती, दिनांक 20.02.2021 रोजी

01.00 वाजण्याचे सुमारास अहमदनगर कडुन औरंगाबाद कडे जात असताना उत्सळ दुमाला शिवार येथे

ईस्सार पेट्रोलपंपाच्या पुढे काही अंतरावर हायवे रोडने जात असताना एक अपाची मोटार सायकल विनानंबर काळ्या

रंगाची त्यावर तीन अज्ञात इसमांनी फिर्यादीचे गाडीस गाडी आडवी लावुन गाडी थांबवुन काचा फोडुन फिर्यादीचे

गळ्यास चाकु लावुन शिवीगाळ दमदाटी मारहान करुन फिर्यादीकडील 12,500/- रुपये रोख रक्कम, गाडीतील जॅकेट

व 1,000/- रुपये किंमतीचा शुज बळजबरीने चोरुन नेले आहे, म्हणुन फिर्यादी यांची वरील तीन अनोळखी

ईसमांविरुध्द कायदेशीर फिर्याद दिली होती. त्या अनुषंगाने पोलीस ठाणे नेवासा येथे गु.र.नं 94/2021 कलम 392,

427, 34 भा.दं.वि प्रमाणे गुन्हा दाखल करण्यांत आला व सदर गुन्ह्याचा तपास त्तकालीन नेमणुकीस असलेले

पोलीस उप निरीक्षक यांनी तपास केला असुन त्यांनी तपासादरम्याण सदर गुन्ह्यांत आरोपी  अमर चिल्लु कांबळे,

वय 26 वर्षे, रा.नेवासा फाटा ता.नेवासा यांस अटक केली होती व त्याच्याकडुन गुन्ह्यातील गेल्या मुद्देमाला पैकी

1,300/- रुपये व गुन्ह्यांत वापरण्यात आलेला चाकु जप्त केला, तसेच सदर गुन्ह्यांत आरोपी अमोल भास्कर

शेलार रा.नेवासा फाटा ता.नेवासा व त्यासोबत आणखी एक आरोपी निष्पन्न करुन त्यांच्या विरुध्द

मा.न्यायालयांत दोषारोप सादर केले होते.

तरी नमुद आरोपी अमोल भास्कर शेलार हा गुन्हा घडल्यापासुन अद्याप पावेतो फरार होता. त्याचा

शोध घेण्यासाठी कायम त्याच्या मागावर नेवासा पोलीस होते परंतु तो त्याचे अस्तित्व

लपवुन नेवासा गावातुन फरार झाला होता. अखेर तो दिनांक 10.02.2022 रोजी नेवासा फाटा येथील पायल

हॉटेल येथे येणार आहे अशी खात्रीलायक बातमी पोलीस निरीक्षक श्री.बाजीराव पोवार यांना मिळाल्याने त्यांनी

त्यांचे अधिपत्याखालील पोलीस उप निरीक्षक श्री.समाधान भाटेवाल, पोलीस अंमलदार अंबादास गिते, गणेश

ईथापे, केवलसिंह राजपुत, अप्पासाहेब तांबे यांना कळवुन त्यांचे पोलीस पथक तयार करुन नेवासा फाटा

येथील पायल हॉटेल जवळ पाठवुन तेथे पोलीस पथकाने सापळा रचुन फरार आरोपी अमोल भास्कर शेलार

याची येण्याची वाट पाहत थांबले असता, आरोपी अमोल भास्कर शेलार याला

पथकातील पोलीस अंमलदार यांच्यावर संशय आल्याने त्याने तेथुन पळुन जाण्याचा प्रयत्न केला परंत सदर आरोपीला सिनेस्टाईल पाठलाग करून पकडण्यात आले.

, त्याला 

अटक केली असुन पुढील तपास पोलीस उपनिरीक्षक श्री.समाधान भाटेवाल हे करीत आहेत.

सदरची कारवाई मा.पोलीस अधीक्षक श्री.मनोज पाटील अहमदनगर, मा.अप्पर पोलीस

अधीक्षक श्रीमती स्वाती भोर श्रीरामपुर, मा.उपविभागीय पोलीस अधिकारी श्री.सुदर्शन मुंडे उपविभाग शेवगांव

यांच्या मार्गदर्शनाखाली श्री.बाजीराव पोवार पोलीस निरीक्षक पोलीस ठाणे नेवासा यांच्या अधिपत्याखालील

नेमलेल्या पोलीस पथकातील श्री.समाधान भाटेवाल पोलीस उप निरीक्षक, पोकॉ/2648 अंबादास गिते,

पोकॉ/2510 गणेश ईथापे, पोकॉ/143 केवलसिंह राजपुत, पोकॉ/2468 अप्पासाहेब तांबे यांनी केली आहे.